لادكولي انت الشمس قصيده للشاعر نائل مظفر

لادكولي انت الشمس قصيده للشاعر نائل مظفر

بسم الله الرحمن الرحيم
السلام عليكم ورحمه

شلونكم عساكم بخير

طبعا هذه القصيده حيل تعجبني وحبيت انقلها الكم

لان اتمثل واقع حال كثير من الشباب > (الفقراء)
وهذه القصيده بنيت ع واقع وقصه بين شخصين شخص فقير وطبعا هوة الشاب الي ع كد حاله وبنيه الي كانت حاله جيد جداا والحمد لله

اليكم الكلمات وطبعا هذه القصيده للشاعرنا المبدع نائل مظفر

لا تحط بيدي الشمس واحلامي بيد
ولا تهيج عل فقير جروحه ولا تقلي بعسرك ويسرك اعيش
وانت قصرك للسما يمد روحه
عوفني بحالي تراني بليا ايد
وانت شباكك زحل ما لوحه
شلون ما تدري الحلم زاد الفقير
ماتشوف احلامه قد جروحه
روحي مذبوحة ذبح وتريد اطير
منيلي حظ يطير المذبوحة
لا تأملني بحجي لما جا سا ضيم
كفي دك بوب السما المفتوحة
وحظي دك اثبات بجناح الفقير
لا يصعدا ولا ينزل سطوحه
انت بعدك ما نمت فوق الحصير
وغمست لقمة ملح بملوحة
لا تلامسني بطرف صدرك اذوب
انا من دم ولحم مو لوحة
ولا تمرجحني برمش عينك اخاف
انا ما شايف رمش مرجوحة
ولا تقلي تمرجح شمالك تخاف
كنت اريدك للسما توديني
بس اخاف ينقطع رمشك واطيح
وباجر تقلي طحت من عيني
روح دورلك محب يرهم عليك
انا قاموس العشق طاويني
ما عشقتك واحنا بالطيش استحيت
شلون احبك من تجي ثلاثيني
خلني راضي بفقري وانت ارضى بغناك
وعوف عيسى بدينا وانا بديني
ولو خلاني الوقت بعت اللحاف
يعني هسا بكيفي امد رجليني
لكن ادري بدربي عن دربك بعيد
ومن زغر هذا الفرق بجاني
انت دفاك الثلج عن الا تموت
وانا ميت والثلج دفاني
وانت كاروك الذهب ما كفى اديك
وانا كاروك القصب كفاني
وحتى لا احلم وامد كفي لسماك
وانا ارضع قمطو ذرعاني
وعن محبنتك ولا ما شدني الحديث
هذا رمشك يا ترف شداني
والله احبك من زغر بس ما حجيت
كنت اريدك تنسعد وي ثاني
ومن اجيت بلهفتك تسأل علي
قلبي كلا تمرجح بشرياني
تالي من غصبن علي قتلك نسيت
روح دورلك محب وانساني
توسلت بلساني يحجيها وتروح
ومن رحت عني قطعت لساني
انا قتلك لا تجي وجي ما اجيت
راحت ببابك تدك بيباني
التوقيع :
؟

» البوم للشاعر ضياء الميالي2009
» حبيت اهديلكم اليوم شعر شعبي للشاعر العراقي خضير هادي عن احتلال العراق