منتديات نسـر العبيدي
اهلا وسهلا بكم في منتداكم ونتمنى لكم الاقامه الطيبه


منتديات نسـر العبيدي (07807262647)
 
الرئيسيةالبوابةاليوميةالأحداثالمنشوراتس .و .جبحـثالأعضاءالمجموعاتالتسجيلدخول

اهلا وسهلا بكم ايها الاعضاء والزوار الكرام نرحب بكم وشكرا لكـــم على حســن المتابعـــة


شاطر | 
 

 كَـالوا هم تحبها وتسهر الليل

اذهب الى الأسفل 
كاتب الموضوعرسالة
عاشق مسي
نـسـر مفضــل
نـسـر مفضــل
avatar

عدد المساهمات : 36
نقاط : 102
الحــســاس : 0
تاريخ التسجيل : 19/11/2010
العمر : 28

مُساهمةموضوع: كَـالوا هم تحبها وتسهر الليل    الجمعة يناير 21, 2011 10:48 am


كَـالوا هم تحبها وتسهر الليل

بسم الله الرحمن الرحيم


كَـالوا هم تحبها وتسهر الليل
بذكرها وللصبح متنام ليلك


وكَـالوا هم حزين انته وبالفراكَـ
بس يجرن دموعك منهدم حيلك

وكَـالولي نشوفك اخرس بلا صوت
وتجاوبنه بحسرتك حسره رابيلك

وسألوني شجاني بيه شنهو الصار
وكَـالوا ليش حته الصمت يبجيلك

وليش بعز شبابك فاقد الخطوات
تعثر من تطيـــح الآه يشيــــلك

ياناس انتوا بيه . بيه ماتدرون
ولا ضنتي بحالي يفتهم انسان

مثل ناعور ادور وشايل الافراح
وللماي انطي فرحي وآخذ الاحزان

ومثل موكَـد جمر مايغفه بيه النار
وافز من لوعتي تحاوطني نيران

ومثل لحظة فرح من يمر عالمحزون
وبعد ما مكتمل ينحكم بالنسيان

ومثل مدمن جكَـاره يشرب الموت
ويذب اسنين عمره بزفرة الدخان

ومثل ام الشهيد التانت ابنه يعود
وشافت فجئه جثه شايله الكفان

شتسأل هذا ابني؟ وش يردون
ابنج عمه هذا من الجيران

محد يكَـدر يرجع الورده من اطيح
ولا من تنكَـطع ترجع للأغصان

والاخرس بيش يوصف علة البي
وهمومه وجرح كَـلبه لكومه عميان

لذلك آني ساكت ما اجيب الناس
وشجاوبهم اذا مشلول بيه لسان

الهجر يا ناس جرحي وبيه منقوش
جرح ينزف حزن للغير ماينبان

بس آني الاحس بجروحي متحسون
وبس آني بدموعي وحدي غركَـان

ضاع الحب وهاجر ما اظن يعود
وضاع ايام عمري وحدي خسران

وعلى فراكَـ الحبيبه لا تسألون
لأن باين جوابي الحيره والحرمان

تحياتي الكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كَـالوا هم تحبها وتسهر الليل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسـر العبيدي :: منتدى الأقـسـام الأدبــيـــة :: منتدى الشعر الشعبي-
انتقل الى: